--------------
الحلقة الحادية عشر
--------------
( نور وهي نازله جاري ورا احمد عشان تخليه يعقد ماعهم الاسبوع فلاقته حاطط الشنطه بتاعته جانبه وبيتصل بالتليفون
يا تري بيتصل بمين )
احمد : الو
جارته : الووووووووووو مين معايا في التليفون بس ازاي دخلت جوه هههههههههههههه
احمد : مش وقت استظراف امك دلوقتي
جارته : ايه يا واد الخفه دي مين معايا
احمد : انا احمد اللي اتهبب وساكن في الشقه اللي قدامك
جارته : اه حماده ميدو مودي ازيك يا واد يا موودي عامل ايه انت فين ياض وازاي اخبارك
احمد : انا في شرم الشيخ
جارته : مش كنت تقولي يا واد كنا رحنا سوا
احمد : تيجي فين يا وليه دا انتي لو شوفتي النسوان اللي هنا تنتحري
جارته : جاتك ايه يا ميدو عسل بس عسل اسود تلاقيك معاك الجثه اللي كلمتك قبل كده هي لسه عايشه يا واد هي مش ماتت في التيليفون
احمد : عيطوا عليكوا بدري يا شيخه بتفولي في وش البت دانتي خارجه من الترب بكفاله يا وليه روحي موتي (نور سمعت الكلام دا وشها نور من الفرحه )
جارته : انا يا ميدو انا يا واد لو عايزه اكون زي جوليا روبرت هكون
احمد : جوليا اابو ربع جنيه انتي بتكلي الحاجات دي يا وليه
جارته : جاتك ايه يا ميدو يخربيت عقلك سكر سكر انت بتتصل ليه بقي
احمد : بقلك انا نسيت المفتاح تحت الدواسه اللي قدام الشقه خديه خلي معاكي لاحد مرجع انا راجع النهارده
جارته : ماشي يا حبيب قلبي ترجع بالسلامه مستنياك
احمد : مستنيه مين يا وليه انتي تخلي معاكي المفتاح بس
جارته : ماشي يا مودي ترجع بالسلامه خلي بالك من نفسك
( احمد بيحط السماعه وبيلف لاقه نور في وشه )
نور : انتا مسافر خلاص
احمد : اصل اعد لمين انا جاي عشانك وانتي زعلتي ومشيتي
نور : مانتا اللي السبب سرحان في واحده وانا معاك
احمد : خلاص يا سيتي انا اسف
نور : وانا اسفه ماتسفرش خلاص
احمد : خلاص مش مسافر عشان خاطرك انتي
نور : مرسي يا احمد بجد انت طيب اوي
احمد : انتي ااطيب والله
نور : طيب بقي اطلع حط الشنط وتعالي نتمشي
احمد : بس انا جعان اوي
نور : خلاص طلع الشنط وتعالي نفطر
احمد : اوك
( احمد وهو طالع يودي الشنط وبيغير الاوده خبطت عليه يا تري مين
------------
الحلقة الثنية عشر
------------
( احمد ساب نور واقفه في الريسبشن وطلع يحط الشنط وهو بيغير الباب خبط )
احمد : مين اللي بيخبط
الطارق : انا
احمد : ايوه مين ياعني انت مش بشر كائن يعني ليك اسم
الطارق : ايه الظرف دا ايوه يا عم انا كائن يعيش ويتعايش وليا اسم انا محمود
( محمود دا صاحب احمد شافه في المطعم وطلع وراه الاوده عشان يسلم عليه)
احمد : ( فتح الباب لاقا محمود صحبه خاده بالحضن وسلامات وبوس )
محمود : ازيك يا ابو احميد يخربيت عقلك انت ايه يا واد اللي جابك هنا وجاي مع مين
احمد : اهه تغير شويه بدل ما نروح البلد جيت هنا مع اصحابي
محمود : طيب ياباشا اسيبك انا برحتك عشان تشوف اصحابك والبنت اللي مشتناياك تحت
احمد : ماشي يا مان انت شوفتني معاها
محمود : اه يا معلم شوفتك في المطعم تحت بس تعرف زوقك حلو يا مان عرفت تنقي يا معلم
احمد : انقي ايه يا معلم دي صاحبتي اصلي معرفش حد في الرحله غيرها
محمود : طيب يا مان اسيبك بقي ولو عوزت اي حاجه انا في الخدمه
احمد : ماشي يا مان والف شكر
( احمد ساب محمود ونزل يفطر بقي اخيرا هيفطر مع نور )
احمد : اخيرا يا نور هنفطر
نور : اخيرا انا ميته من الجوع
احمد : لو سمحت الفطار بتاعنا
الجرسون : حاضر يا فندم
احمد : بس بسرعه والنبي عشان ميتين من الجوع
نور : اه بسرعه خالص عشان ممكن ناكل في بعض دلوقتي
احمد : بسرعه يا عم احسن تيجي تاكل فيا
جرسون : حاضر يا فندم
( الجرسون جاب الاكل وكله الحمد لله ونور خدت احمد وتمشوا علي البحر )
نور : انت هتعمل النهارده ايه يا احمد
احمد : مش عارف والله يا نور انا عندي فكره احنا نتمشي شويه بعدين انا هطلع انام عشان تعبان من السفر
نور : عندك حق والله اوك وبليل ننزل نخرج ونشوف البلد
احمد : اوك يا نور
نور : البحر هنا حلو اوي بكره اكيد ننزله سوا
احمد : باذن الله
نور : يلا نرجع بقي
احمد : يلا
( احمد ونور طلعوا اودهم وهنعرف عملوا ايه باليل النهارده )
تقبلوا تحياتي و توقعوا أحمد ونور حيعملوا ايه باليل
الرئيسية 
