اليوم ببرنامج باب الملعب المخصص عن الدوري السوري بالــ ART
كان الضيف حسووون سويدان
المهم بعد العلاك والكلام عن الجيش والمنافسة هالسنة عن الدوري وهالكلام
فايز وهبي سأل حسون سؤال .. الجيش بعراقتو وانجازاتو مشكلتو انو متل نادي المجد ما عندو جمهور .. ليش ويا ريت تحكيلنا عن هالظاهرة ؟؟
جواب حسون .. جمهورنا اكبر من المجد بعتقد وبلش يزيد بالفترة الاخيرة وعم يوصل للالفين تلاتة باللعبة الوحدة ( بعتقد كلام غير دقيق )
وانو بعد ما انحل نادي الجيش بقرار رسمي بنهاية التمانينات .. سلط الاعلام الضوء على نادي الوحدة ..
وحكى انو النتائج بتلعب دور كمان .. الوحدة بس كان ينافس ع الالقاب كان جمهورو بوصل لل30 الف
اما حاليا وبهالدوري ما عم يوصل للعشرة الاف
( ع فكرة الكلام مو دقيق .. ببعض المباريات متل مباراة الجيش بظن كان بحدود 30 الف اذا مو اكتر .. وبمباراة الكرامة الرقم وصل ل20 الف او اقل شوي )
ع فكرة .. خلال البرنامج جابوا
تحليل للقاء الجيش والمجد .. وجابوا لقاءات مع جمهور الجيش
والله العظيم والله العظيم والله العظيم .. انو الجمهور بعتقد كان بين خمسمية لالف وخمسمية واحد بالكتير
واكتر من 80 بالمية منهم اطفال دون ال12 او 13 سنة
وال عم يرددوا
كل العالم بتقولا .. اي ار تي .. انتي الاولى
مو عيب طبعا انو صغار عم يشجعوا الجيش
انا كنت بهل عمر وكنت اروح ع الملعب اشجع الوحدة
بس كنت الاقي شباب اكبر مني وختايرة بالملعب .. مو كلهم قدي
خصوصا جمهور الجيش اذا اعتبرناهم الف متفرج
سبعين لتمانين بالمية منهم اطفال .. يعني نادي ما الو مشجعين ختايرة
صحي مع العلم اني بحترم فريق الجيش هالسنة فقط .. كفريق كمان فقط
لانو بين 11 لاعب اساسي .. عم يلعبوا ب8 لعيبة شباب اعمارهم يمكن بين 20 و 23 او 24 سنة ابرزهم ماجد الحاج وعبد الرزاق الحسين وبرهان صهيوني وجهاد الباعور ونديم صباغ ومحمد عفا واياد الحلو
ومافي غير احمد عزام والحارس رضوان الازهر من لعيبة الخبرة
+ هداف الدوري الزامبي زكريا سيموكلاند