منوعات منقوله

صدقيني

صدقيني قلبي فراقك مايطيقـــــــــه
صدقيني قلبي ماعمره نســـــــــــاك
صدقيني باتبعك باية طريقـــــــــــــه
ما اهاب الموت لوهذا مــــــــــــناك
مالوم العين لوهي غريقــــــــــــــــه
بدموعها يوم تشقى من غــــــــــلاك
دام من حبته من بدالخــــــــــــــليقه
يتناساني وناويلي الــــــــــــــــهلاك
ياحبيبي خذ من قلبي وثيقـــــــــــــه
ماترتوي روحي من احدٍ ســـــــواك
اعطف وارحم على روح شفيقــــــه
همها تسعد بكل لحظه معـــــــــــــاك
ودي بشوفك ياحبيبي لودقـــــــــيقه
تروي ظمى قلبي وانا ارويلك ظماك

صدقيـــــــــــــــــــــــــــــــــــــــــــني

هــ‘ــم عــّشــآق

مات قلبي بـ تفكيره

لحظه ٍ بـ الفراق

مات حر ٍ في وكيره

والوقت شع شراق

مالي بعذر ٍ بك اثيره

جف حبري بـ اوراق

فرقاك ياخي عسيره

كفايه غدر و نفاق

اسري من ديره لـ ديره

شايل ٍ هم عشـآق

مثـآل

كثر من ضاع طيره

للقى كثر مشتاق

كثر من عينه ضريره

للنظر كثر حراق

صوت الاسد في زئيره

كثر القهر لـآ ضاق

ك الفقير الي بحيره

كيف يعلى لـ آفاق

يتعب من الدنيا الحقيره

بنظره العين سراق

ملح وسكر في خميره

صعب تحكم بالمذاق

ضقت من حب(ن) اسيره

وكنت له خير مصداق

بس خوفي من البحيره

مدري خفايا الافراق

ابرضى بـ شره وخيره

والله مع العــّشـآق

.. بنت الاصول ..

في همس القوافي لنا قول .. و معاني القصيد شمس ٍ وضوح

عذب المشـآعر محد ٍ يطول .. و جرح المشـآعر كـ ورد ٍ يفوح

هيد المشـآعر لقلب ٍ عسول .. لجل يصونك وبالمحبهـ يبوح

يا حلا حب ٍ فيه كل الفصول .. فيه من كل فصل ٍ مـا يفوح

شتاه برد ٍ و حسه خجول ,, وصيفه صيف المحبه فتوح

و خريفه بي ابد ما يطول ,, و ربيعه حلا ما بعده مدوح

ابـ خصامه حالتي لا حول ,, يا خريف بالله عجل بالمسوح

ليله ٍ بلياه دمعي نزول ,, والقلب ينشد في بعده ينوح

صـآيم ٍ والمشاعر له هطول ,, ظـمآ صحرى مطرها يروح

عينت خير والدنيـآ حمول ,, لـا روح وين ما يسعها تروح

كونها معي بنت الاصول ,, اكتفي بدنيه ٍ منها جروح

راعــي الامـثــال بالأولـيـنـي
يروي الاقوال مـن علـم(ن) تعـداك
وفـي مثـل يحـكـي بالخاينيـنـي
بيع من باعك واشـري مـن تفـداك
الحقيقـة شفتهـا وضنـي تبيـنـي
عقلي يقول احذر ترى تلعب بمرمـاك
قمـت اسايرهـا وهــيّ تكوّيـنـي
تلمنـي بخيـوط وتحيّكنـي حـيـاك
الطبـع غالـب عنـد الملاعيـنـي
تكـذب الكذبـه وتصدقهـا مـعـاك
تحسسـك سلطـان بيـن المزاينـي
لا تشوف النـاس ولا تناظـر وراك
تحبـك اللعـبـة حـبـك مّثليـنـي
مايصـيـد العابـهـا الا دهـــاك
والحقيقـه فـي خفـوقـي انيـنـي
كنت اغنـي مـع سوالفهـا وشـاك
لين صـار الشـك علـم(ن) يقينـي
مزهريه مزهره واغصانهـا اشـواك
قمت اراجع نفسي وافكاري تهذينـي
وين كنت وين صرت وّيـن ممشـاك
اثر واحـد مـن ضمـن المحبينـي
طيـب(ن) بالحيـل واعـزي شقـاك
تلـعـب الادوار مابيـنـه وبيـنـي
تقطفلـي الـوردة وترميهـا لهـذاك
احـمـد الله ماقـدرتـي تهزيـنـي
قلبـي باقـي فـي محلـه ماعطـاك
الطـيـب فيـنـي والله مبتليـنـي
واضح المنطق بس بي امر(ن) خفاك
لا شعـرتـك بالحـكـي توهميـنـي
اقلـب الطيبـه واخليـهـا هــلاك
جيـت اخاطبهـا علامـك تخونينـي
صابرن على المـر منـك وماكفـاك
تذرفـي الدمعـه يــوم تكلميـنـي
يعنـي انـي ميتـه ومالـي سـواك
لا..وتخنقي العبره يعنـي تحسسينـي
ان قلبَك في حشـاي ماهـو بحشـاك
نعنبـو دربـك وش هـو تحسبينـي
هايم(ن) بالحب وميـت فـي هـواك
ان رفعت اصبع الف بنت(ن) تبينـي
لاضربـت حسـاب ولا كَنـي معـاك
ماهو غرور(ن) بالوصف واتباها فيني
بس ابين لك وش ارضك من سمـاك
وماني ابن فلان بس عَرقي بجبينـي
وان نويت الصدق مطعن مـن قفـاك
وان نويت اطعـن مطعـن بالكمينـي
ماني بغادر بالقفـا مثلـك وشـرواك
تدري كلك على بعضك وش تجينـي
ريق(ن) على مقدم لساني وهو لقـاك
بـس امانـه بالنهـايـة جمليـنـي
لـي طلـب منـك يسلـم محـيـاك
الخـوي الـي معـك ... بشريـنـي
لا تركتيـه بمحلـه ورحتـي لـذاك

وسلامتكم

الهوى جند العاشق وجالـه جنـود
دار ناس ٍ عجز غيـره ولا دارهـا
شف معاك الغلا قاد المعاليق قـود
وانت تعرف طوال الهرج وقصارهـا
صادق الوعد عيا في ضميرك يجود
والحشى من فعولك والـع ٍ نارهـا
ياتسافـر وتبعـد ياتحـن وتـعـود
ساعة القلب عنـدي دقـة انذارهـا
ياطريق المواصل ياطريق الصـدود
اقصر النكبه اللي طـال مشوارهـا
الهوى له حساب وله شروط وبنـود
لاتحسب الصغار وتتـرك اكبارهـا
كم دمحنا وشلنا مير مامنـك فـود
تنكر العشره اللـي بحـت بخبارهـا
يوم تنقص بحبك يوم حبـك يـزود
والدلايل كثيـره عنـدك اسرارهـا
يشهد الله عليك وكل خلقـه شهـود
تهدم البنيه اللـي ثابـت احجارهـا
احترقلك غـرام وتحترقلـي جحـود
بانت اللوحه اللي بـان مسمارهـا
مايمشي فؤادك غير ضـخ الوقـود
بالمصالح حياتك تضـوي اقمارهـا
كان شوقي لعينك شي ماله حـدود
ولك بقلبي قصور ٍ عالي اعمارهـا
كنت احبك واظمك عن عيون الحسود
وان لمحتك يميني تسبـق ايسارهـا
لكن اليوم عنـدي مابقالـك عهـود
طاحت العشره اللي طـاح مقدارهـا

THANK YOU

منوعات حلوه كتير ..
شكرا على الشعر الحلو..
تحياتي : الوتر الحساس

شكرا جاست

» نكته .. منقوله من موقع أمريكـــــــــــــــــي !!