السلام عليكم ورحمة الله وبركاته
اشحالكم عساكم طيبين
شو الدراسه وياكم<<<<<<<الي عنده امتحانات يسير يذاكر الحين خخخخخخ
حبيت اطرح عليكم هالقصيده واتمنى تعيبكم
على كف الزمن نمشي نواكـب دفـة الأيـام
ولا ندري عن الأقـدار وش تخفـي لياليهـا
تحطم كل أمانينا على صخـره مـن الأوهـام
في دنيا غير دنيتنا غريـبٍ كـل مـا فيهـا
نسايـر واقـع قاسـي نقـاوم أهـة الأأألام
تعذبنا وتحرقنـا غصـب نصبـر ونخفيهـا
نصور من شقانا أمال وننسج من وهمنا أحلام
وتفاجئنـا حقيقتنـا اذا جـال النظـر فيهـا
عذاب الماضي يتبعنا وكوابيـس الألـم قـدام
بحر هايج ولا نسبـح وترفضنـا مراسيهـا
نحاول نصنع البسمه اذا كان الفـرح مـا دام
جروحٍ نازفـه صعبـه ولا نقـوى نداويهـا
ولو نرسم مأسينـا تجـف بحبرهـا الأقـلام
ولا الأوراق لونكتب محال وصعب تحصيهـا
حقيقه من حياة الصب اذا صابه ولع وهيـام
حقيقه حالتـه صعبـه مـن أولهـا وتاليهـا
وهذي حالة العاشق اذا نام الخلـي مـا نـام
يعيش بظلم حاضرها يعاني جـروح ماضيهـا
والسموحه منكم على القصور
اتريا ردودكم الغاويه